Ram Charan : యంగ్ టైగర్ ఎన్టీఆర్.. అచ్చుగుద్దినట్లు అన్న నందమూరి తారక రామారావు పోలికలతో ఇండస్ట్రీలోకి ఎంట్రీ ఇచ్చి మంచి పేరు ప్రఖ్యాతలు సంపాదించుకున్నారు. పెద్దాయన రూపంతో పాటు నటన, ఆహార్యం, వాక్చాతుర్యం ఇలా అన్నింటిని పుణికి పుచ్చుకున్నారు. నవరసాలను అద్భుతంగా పలికించగల ఎన్టీఆర్ పేజీలకొద్దీ డైలాగ్స్ సింగిల్ టేక్లో చెప్పగలడు. బాల రాముడిగా చిన్నతనంలో తానెంటో, భవిష్యత్తులో ఏం సాధించబోతున్నానో ముందే హింట్ ఇచ్చారు జూనియర్. నిన్ను చూడాలని చిత్రంతో హీరోగా ఎంట్రీ ఇచ్చిన ఎన్టీఆర్కు స్టూడెంట్ నెం.1, ఆది, సింహాద్రి సినిమాలు స్టార్డమ్ను తెచ్చి పెట్టాయి. ఆర్ఆర్ఆర్ సినిమాతో ఎన్టీఆర్ క్రేజ్ పాన్ ఇండియా స్థాయికి చేరుకుంది.
కథల ఎంపికలో జాగ్రత్తలు తీసుకుంటూ బాక్సాఫీస్పై జైత్రయాత్ర మొదలుపెట్టారు ఎన్టీఆర్. ఆ వెంనే నాన్నకు ప్రేమతో, జనతా గ్యారేజ్, జైలవకుశ, అరవింద సమేత రీసెంట్గా ఆర్ఆర్ఆర్ సినిమాలతో పాన్ ఇండియా హీరోగా ఎదిగారు. ప్రస్తుతం కొరటాల శివ దర్శకత్వంలో దేవర, బాలీవుడ్లో వార్-2 సినిమాలు చేస్తున్నారు ఎన్టీఆర్. ఎన్టీఆర్కు తెలుగు రాష్ట్రాలతో పాటు దక్షిణాదిలో బలమైన ఫ్యాన్ బేస్ ఉంది. ఆర్ఆర్ఆర్ తర్వాత ఆయనకు విదేశీయులు సైతం అభిమానులుగా మారిపోతున్నారు. అంతేకాదు సూపర్స్టార్ రజనీకాంత్ తర్వాత జపాన్లో ఆ స్థాయిలో అభిమానులున్న దక్షిణాది నటుడు ఎన్టీఆర్ మాత్రమే.
![Ram Charan : అర్ధరాత్రి రామ్ చరణ్ ఇంట్లో ఎన్టీఆర్ బర్త్ డే సెలబ్రేషన్స్.. వీడియో వైరల్.. Ram Charan celebrated his birth day with jr ntr](https://i0.wp.com/telugunews365.com/wp-content/uploads/2024/05/jr-ntr.jpg?resize=1200%2C675&ssl=1)
ఎన్టీఆర్ పుట్టినరోజు సందర్భంగా సినీ రాజకీయ ప్రముఖులు ఎన్టీఆర్ కు పుట్టినరోజు శుభాకాంక్షలు తెలియజేస్తున్నారు. జూనియర్ ఎన్టీఆర్ పుట్టినరోజు సందర్భంగా అభిమానులు అనేక కార్యక్రమాలు నిర్వహిస్తున్నారు. ఉదయం నుండి జూనియర్ ఎన్టీఆర్ కు అభిమానుల నుండి విషెస్ వెల్లువగా మారాయి.ఆయనకు సంబంధించిన అనేక వీడియోలు కూడా నెట్టింట తెగ హల్చల్ చేశాయి. ఆర్ఆర్ఆర్ మూవీ షూటింగ్ సమయంలో ఎన్టీఆర్, రామ్ చరణ్, రాజమౌళి కలిసి బర్త్ డే సెలబ్రేషన్స్ జరుపుకోగా అందుకు సంబంధించిన వీడియో నెట్టింట హల్చల్ చేస్తుంది. ఇది చూసిన వారందరు కూడా ఏమన్నా ఎంజాయ్ చేశారా అంటూ ప్రశంసలు కురిపిస్తున్నారు.
Source link