Preity Zinta : బాలీవుడ్ హీరోయిన్ ప్రీతి జింతా గురించి ప్ర‌త్యేక ప‌రిచ‌యాలు అక్క‌ర్లేదు. తెలుగులో ప‌లు సినిమాలు చేసి మెప్పించింది. ప్రస్తుతం అమెరికన్ భర్త జీనీ గుడ్ఎనఫ్ తో కలసి యుఏలో సెటిల్ అయింది. స‌రోగ‌సి ద్వారా ఇద్ద‌రు పిల్ల‌ల‌కు జ‌న్మకూడా ఇచ్చింది. అయితే ఎప్పుడు ఐపీఎల్‌లో తెగ సంద‌డి చేస్తూ ర‌చ్చ చేస్తుంది ప్రీతి జింతా. ఐపీఎల్ లో పంజాబ్ కింగ్స్ ఎలెవెన్ జట్టుకు సహయజమానిగా ప్రీతి వ్యవహరిస్తున్న ప్రీతి జింతాపై ప్రస్తుతం దారుణ‌మైన ట్రోలింగ్ న‌డుస్తుంది. ప్రీతి జింతా ఎయిర్ పోర్ట్ కు వెళుతున్న స‌మ‌యంలో ఆమె కారు దగ్గరకి వీల్ ఛైర్ వేసుకుని భిక్షాటన చేస్తూ.. ఓ దివ్యాంగుడు వ‌చ్చాడు.
మేడం ధ‌ర్మం చేయండి అంటూ అభ్య‌ర్ధించ‌గా, అదేమి ప‌ట్టించుకోకుండా కారులో ఎక్కి కూర్చుంది ప్రీతి. దాంతో కారు ముందుకు పోయింది. అయినా గానీ ఆ వికలాంగ వ్యక్తి కారును అందుకుందామని, ఎంతో కొంత ఇవ్వకపోదా అని దాన్ని కొంత దూరం వెంబడించిన‌ప్ప‌టికీ ప్రీతి కారు ఆపలేదు. ప్రస్తుతం ఈ వీడియో నెట్టింట వైరల్ గా మారింది. దాంతో సోషల్ మీడియాలో ప్రీతి జింతాపై ట్రోల్స్ వస్తున్నాయి. రూ. 100 కోట్లు పెట్టి ఐపీఎల్ లో జట్టు కొనొచ్చు కానీ.. ఈ వికలాంగుడికి ఇచ్చేందుకు రూ. 100 రూపాయలు కూడా లేవా అని ఆమెని తిట్టిపోస్తున్నారు.
దివ్యాంగుడు అంత దీనంగా అభ్యర్థించిన నీ మ‌న‌సు క‌ర‌గ‌లేదా.. ప్రీతి ఎందుకు ఇలా చేశావ్ అంటూ అభిమానులు ఫైర్ అవుతున్నారు. అయితే ప్రీతి జింతా ఇది గమనించి కూడా ఇలా చేసిందా? లేక బ్లాక్ కలర్ గ్లాస్ వల్ల గమనించ లేదేమో అని కొంద‌రు ఆమెకు స‌పోర్ట్‌గా నిలుస్తున్నారు. కాగా, ప్రీతి జింతా చిన్నతనంలోనే తన తండ్రి మరణించడంతో కుటుంబ బాధ్యత తన పై వేసుకుంది.పోస్ట్ గ్రాడ్యుయేషన్ పూర్తి చేసుకొని ముంబైకి వచ్చిన ప్రీతి మోడల్ గా అక్కడ తన కెరీర్ ని మొదలు పెట్టింది. మొదటగా తాను చేసిన లిరిల్‌ యాడ్‌తో లిరిల్‌ గర్ల్‌గా క్రేజ్‌ సంపాదించుకున్న ప్రీతి జింతాకు బాలీవుడ్ లో నటించే అవకాశం స్వయంగా తనను వెతుక్కుంటూ వచ్చింది. ఎన్నో సూప‌ర్ హిట్ చిత్రాల‌లో న‌టించి మెప్పించింది ప్రీతి.
Source link
